davam.az - BÜTÖV AZƏRBAYCAN ADINA! > Gündəm, Afişa > “Buratino” Azərbaycan Dövlət Gənc Tamaşaçılar Teatrının səhnəsində
“Buratino” Azərbaycan Dövlət Gənc Tamaşaçılar Teatrının səhnəsində |
|
Mayın 21-də Azərbaycan Dövlət Gənc Tamaşaçılar Teatrında növbəti yeni tamaşanın premyerası keçiriləcəkdir.
Teatrın yaradıcı heyəti bu dəfə məktəbliləri məşhur rus yazıçısı A.Tolstoyun “Qızıl açar, yaxud Buratinonun macəraları” əsəri əsasında hazırlanmış eyniadlı tamaşa ilə salamlayacaqdır. Tamaşa Azərbaycan peşəkar milli teatrının 140 və Dövlət Gənc Tamaşaçılar Teatrının isə 85 illiyinə həsr olunan beynəlxalq layihə çərçivəsində hazırlanmışdır. Tamaşanın quruluşçu rejissoru İvitsa Simiç, quruluşçu rəssamı Dinka Jeriçeviç, bəstəkarı İqor Karliçdir. Hər üç teatr mütəxəssisi xorvatiyalıdır. Səhnə əsərinin baletmeysteri Türkan Raulya və geyim üzrə rəssamı isə Aynur Məmmədovadır. Tamaşa boyu şən və xoşbəxt gələcəyin bağlı qapısının oğurlanmış və sonra da itmiş qızıl açarını əldə etmək üçün Buratino və onun dostları min bir əziyyətlə və ağlasığmaz macəralarla rastlaşırlar. Təbii ki, sonda xoşbəxt gələcəyə, yeni və daha gözəl teatra sahib olmaq arzusu baş tutur. Buratino və onun sadiq dostları qızıl açarla möcüzəli qapını açır və arzu etdikləri teatra – sehrli aləmə qədəm qoyurlar. Tamaşada əsas rolları Gənc Tamaşaçılar Teatrının aktyorları Elşən Çarhanlı, Roza İbadova, Asya Atakişiyeva, Seyidşah Məmmədov, Gülbəniz Mustafayeva, Günel Məmmədova və başqaları ifa edəcəklər. Geri dön |