Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > Azərbaycan güləş yığmaları İspaniyadakı beynəlxalq turnirdə 12 medala sahib olublar
davam.az - BÜTÖV AZƏRBAYCAN ADINA! > Gündəm, İdman > Azərbaycan güləş yığmaları İspaniyadakı beynəlxalq turnirdə 12 medala sahib olublar

Azərbaycan güləş yığmaları İspaniyadakı beynəlxalq turnirdə 12 medala sahib olublar


İspaniyanın paytaxtı Madriddə sərbəst, yunan-Roma və qadın güləşi üzrə böyüklər arasında beynəlxalq turnir keçirilib. Apasport.az saytının məlumatına görə, “İspaniya Qran Prisi”ndə Azərbaycanın sərbəst və yunan-Roma güləşi üzrə yığmaları da iştirak edib. Güləşçilərimiz ümumilikdə 7 qızıl və 5 gümüş medal qazanıb.

Yunan-Roma güləşi yarışlarında komandamız 4 qızıl və 2 gümüş medal qazanıb. Rövşən Bayramov (55 kq), Orxan Əhmədov (60 kq), Həsən Əliyev (66 kq) və Saman Təhmasibi (84 kq) fəxri kürsünün ən yüksək pilləsində qərarlaşıb. Elçin Əliyev (55 kq) və Vitali Rəhimov (66 kq) finalda öz həmyerlilərinə uduzaraq gümüş medala sahib olub.

Sərbəst güləş yarışlarında güləşçilərimiz 3 qızıl və 3 gümüş medal qazanıb. Ruslan Dibirhacıyev (66 kq), Xetaq Qazyumov (96 kq) və Aslan Dzebişov (120 kq) bütün rəqiblərindən üstün olaraq çempion olub. Əşrəf Əliyev (74 kq), Məhəmmədhacı Xatiyev (84 kq) və Şərif Şərifov (96 kq) gümüş medalla kifayətlənib.

Qeyd edək ki, həm sərbəst, həm də yunan-Roma güləşçilərimiz komanda hesabında ikinci pillədə qərarlaşıb.

Geri dön