davam.az - BÜTÖV AZƏRBAYCAN ADINA! > Xəbərlər, Gündəm > Azərbaycanda 3 minədək müəllimin təhsil sənədi yoxlanacaq
Azərbaycanda 3 minədək müəllimin təhsil sənədi yoxlanacaq |
|
Saxta sənədlə işləyən müəllimlərin aşkar olunması istiqamətində Təhsil Nazirliyi mütəmadi olaraq tədbirlər həyata keçirir.
Təhsil Nazirliyinin Strateji təhlil, planlaşdırma və kadrların idarə olunması şöbəsinin müdiri Fərzalı Qədirov jurnalistlərə açıqlamasında deyib ki, ötən il ümumi ölkə üzrə belə bir monitorinq aparılıb və onun nəticələri ictimaiyyətə elan olunub. Aşkar olunan saxta təhsil sənədlər barədə məlumatları Baş Prokurorluğa da təqdim etdiklərini deyən F.Qədirov qeyd edib ki, onların bəziləri ilə bağlı müəyyən istintaq işləri başa çatıb, digərləri üzərində işlər aparılır: “Amma hər zaman Təhsil Nazirliyinə müraciət əsasında işə qəbul prosesində biz bütün təhsil sənədlərinin doğruluğunu, dəqiqliyini yoxlayırıq. Onun saxta olduğunu aşkar etdikdə, digər müvafiq tədbirlər görülür. Qarşıda bizi daha ciddi bir mərhələ gözləyir. Belə ki, işə qəbul olunacaq 3 minədək müəllimin təhsil sənədləri yoxlanacaq. Həmin yoxlamanın nəticələrinə uyğun olaraq məlumat verə bilərik ki, nə qədər müəllimin təhsil sənədi işləmək üçün uyğun deyil”. Geri dön |