davam.az - BÜTÖV AZƏRBAYCAN ADINA! > İdman > Qadın taekvondoçumuz dünya üçüncüsü oldu
Qadın taekvondoçumuz dünya üçüncüsü oldu |
|
Meksikanın Puebla şəhərində taekvondo üzrə dünya çempionatı kçirilib
Meksikanın Puebla şəhərində keçirilən taekvondo üzrə dünya çempionatının üçüncü günü millimiz üçün uğurlu alınıb. Azərbaycan Taekvondo Federasiyasından verilən məlumata görə, qadınlardan ibarət seçmə komandanın üzvü Fəridə Əzizova (-67 kg) ilk döyüşdə rəqibi Fanal Lalrempuiinə (WTF) 4-0 hesabı ilə qalib gəlib. Növbəti döyüşünü Perisik Dojanaya (SRB) qarşı keçirən idmançımız 2 :2 hesablı bərabərliyə qalaraq rəqibini qızıl xalla məğlub edib. Çinli idmançı Gvo Tun Fei ilə döyüşdən 3:0 hesabı ilə inamlı qələbədən sonra taekvondoçumuz yarımfinala vəsiqə qazanıb. Bu mərhələ isə ən azı bürünc medal deməkdir. Finala gedən yolda isə Chuanq Chia Chia (TPE) idmançısı ilə gərgin keçən döyüşdən məğlub ayrılıb 5:8. Beləliklə, Fəridə Əzizova dünya çempionatında qadınlar arasında bürünc medal qazanan ilk idmançı olaraq adını Azərbaycan taekvondo tarixinə yazdı Xatırladaq ki, Fəridə Əzizova 2009-cu ildə yeniyetmələr arasında Xorvatyada kecirilən avropa çempionatının bürünc mükafatçısı, 2012-ci ildə Misirdə, gənclər arasında dünya çempionatının qızıl mükafatçısı və 2013-cü ildə Moldovanın Kişinyov şəhərində keçirilən 16-21 yaşlılar arasında avropa cempionatının qalibi olub. Geri dön |