davam.az - BÜTÖV AZƏRBAYCAN ADINA! > Çap səhifəsi > AFFA futbolçuları cəzalandırdı

İntizam Komitəsi sonuncu turdakı məqamlarla bağlı qərarlarını açıqlayıb

İntizam Komitəsinin bu gün keçirilən iclasında aşağıdakı qərarlar qəbul edilib.Topaz Premyer Liqasının III turunun “Neftçi” - “Simurq” matçında “Simurq” klubunun 4 futbolçusu sarı vərəqə cəzalandığı üçün klub 1000 manat cərimə olunur.

Oyunun 42-ci dəqiqəsində “Neftçi” klubunun 32 №-li futbolçusu Elvin Yunuszadə sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur.

Oyunun 8, 31 və 73-cü dəqiqələrində “Neftçi” klubunun azarkeşləri tərəfindən pirotexniki vasitələr istifadə olunduğu üçün klub 1000 manat cərimə olunur.

Topaz Premyer Liqasının III turunun “İnter” - AZAL matçında “İnter” klubunun 5 futbolçusu sarı vərəqə ilə cəzalandığı üçün klub 1000 manat cərimə olunur.

Topaz Premyer Liqasının III turunun “Qarabağ” - “Xəzər Lənkəran” oyununun 26-cı dəqiqəsində “Qarabağ” klubunun azarkeşləri tərəfindən pirotexniki vasitələr istifadə olunduğu üçün klub 1000 manat cərimə olunur.

Topaz Premyer Liqasının III turunun “Sumqayıt” – “Qəbələ” matçında “Qəbələ” klubunun 4 futbolçusu sarı vərəqə cəzalandığı üçün klub 1000 manat cərimə olunur.

Oyunun 61-ci dəqiqəsində “Qəbələ” klubunun 6 №-li futbolçusu Volodomir Levin idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur.

Əvəzedici heyətlərin III turunun “Neftçi” – “Simurq” matçının 76-cı dəqiqəsində “Simurq” klubunun 10 №-li futbolçusu İlqar Hüseynov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 100 manat cərimə olunur.