davam.az - BÜTÖV AZƏRBAYCAN ADINA! > Gündəm > 2012-ci ildə ATƏT-ə sədrlik edəcək İrlandiya münaqişələrin həllinə dair konfrans təşkil edəcək
2012-ci ildə ATƏT-ə sədrlik edəcək İrlandiya münaqişələrin həllinə dair konfrans təşkil edəcək |
|
2012-ci ildə ATƏT-ə sədrlik edəcək İrlandiya ATƏT məkanındakı münaqişələrin, o cümlədən Dağlıq Qarabağ münaqişəsinin həllinə və Cenevrə prosesinə xüsusi diqqət yetirəcək.
APA-nın xəbərinə görə, İrlandiya hazırda qarşıdakı sədrliyi dövründə görüləcək işlərin, keçiriləcək tədbirlərin planını tərtib edir. Bu planlar sırasına 2012-ci ilin aprelində Şimali İrlandiyanın Belfast şəhərində xüsusi konfransın təşkili də daxildir. Konfransda Şimali İrlandiyanın münaqişələrin həllində təcrübəsi müzakirə ediləcək. Məlumatı APA-ya verən mənbə bildirib ki, İrlandiya sədrliyi dövründə ATƏT məkanındakı münaqişələrin həllinə öz töhfələrini verəcək, lakin bu ölkə məsələyə realist yanaşır və problemlərin həllində böyük sıçrayışların olacağını, münaqişələrin 2012-ci ildə tam həll olunacağını vəd etmir: “Belfastın təcrübəsi Cənubi Qafqaz üçün model kimi deyil, nümunə kimi faydalı ola bilər”. Geri dön |