davam.az - BÜTÖV AZƏRBAYCAN ADINA! > Gündəm, Sosial > Azərbaycan Dövlət Pedaqoji Universitetinin tələbələri etiraz aksiyası keçirib
Azərbaycan Dövlət Pedaqoji Universitetinin tələbələri etiraz aksiyası keçirib |
|
Azərbaycan Dövlət Pedaqoji Universitetinin (ADPU) tələbələri ali məktəbin həyətində etiraz aksiyası keçirirlər.
APA-nın hadisə yerində olan əməkdaşının verdiyi məlumata görə, xeyli sayda tələbə semestr imtahanlarının yazılı aparılmasına etiraz edirlər. Onlar imtahanların test üsulu ilə keçirilməsini istəyirlər. ADPU-nun tədris işləri üzrə prorektoru Malik Cəbrayılov APA-ya açıqlamasında deyib ki, rektor Yusif Məmmədov akt zalında tələbləri şikayətlərini dinləmək üçün gözləsə də, aksiyaçıların yalnız bir qismi onunla görüşə gedib, böyük əksəriyyət isə aksiyanı davam etdirir. Rektor aksiyaçıların tələblərini dinləmək üçün onların qarşısına çıxıb. Tələbələrin qarşısında çıxış edən rektor Yusif Məmmədov hazırda imtahanın hansı formada keçirilməsi ilə bağlı qərar olmadığını deyib. Bununla bağlı qərarın Təhsil Nazirliyi tərəfindən veriləcəyini deyən rektor əlavə edib ki, sabahdan başlayaraq tələbələrlə görüşlər keçiriləcək və bununla əlaqədar məsləhətləşmə aparılacaq: “Məqsədimiz odur ki, imtahanlar şəffaf keçirilsin”. Bundan sonra aksiya yekunlaşıb. Geri dön |