davam.az - BÜTÖV AZƏRBAYCAN ADINA! > Gündəm, İqtisadiyyat > Sabah Azərbaycanda beynəlxalq inşaat sərgisi başlayır
Sabah Azərbaycanda beynəlxalq inşaat sərgisi başlayır |
|
Bu gün Bakıda Xəzər regionunun inşaat sahəsində ən böyük tədbir «BakuBuild-2013» XIX Beynəlxalq İnşaat Sərgisinə həsr olunmuş mətbuat konfransı keçirilib.
sabah işə başlayacaq bu sərgidə istilik, havalandırma və kondisiyalaşdırma sistemləri, su təchizatı, sanitariya, ətraf mühitin mühafizəsi texnologiyaları, üzgüçülük hovuzları və bərpa olunan enerji, eləcə də mühafizə, təhlükəsizlik və xilas etmə vasitələri nümayiş olunacaq. Qeyd edək ki, tədbirin keçiriləcəyi «Baku Expo Center»in bütün dörd zalı, eləcə də, kompleksin foyesi və xarici meydançası iştirakçılar tərəfindən tam tutulub. «Xəzər İnşaat Həftəsi» çərçivəsində keçiriləcək bu tədbirdə 32 ölkədən 490 şirkət və təşkilat qatılacaq. Sərgidə ziyarətçilərə ən son və qabaqcıl tikinti materiallarının geniş çeşidi, santexnika və tikinti-inşaat texnikası təqdim olunacaq. Bu ilki ekspozisiyaya ilk dəfə olaraq açıq və qapalı hava şəraiti üçün nəzərdə tutulmuş idman inventarı və uşaq meydançaları, mebel əşyaları daxildir. Sərgidə Azərbaycan şirkətləri ilə yanaşı, Almaniya, Yunanıstan, İtaliya, İran, BƏƏ, Portuqaliya və Finlandiyadan olan 7 milli qrup iştirak edəcək. Sərgidə daha çox İtaliya şəhərlərindən olan şirkətlər çıxış edəcək. «Dubai Export» təşkilatının kurasiyasında olan BƏƏ milli qrupu isə sərgidə ilk dəfə iştirak edir. Əsas təşkilatçısı «Iteca Caspian» şirkəti olan bu sərgi oktyabrın 26-dək davam edəcək. Geri dön |