davam.az - BÜTÖV AZƏRBAYCAN ADINA! > Mədəniyyət > Ağ ölümə qarşı film çəkilir
Ağ ölümə qarşı film çəkilir |
|
“Təəssüf ki, cəmiyyətimizdə pis vərdişlərdən əziyyət çəkən insanlar var"
Bütün dünyada sosial problemə çevrilən "Ağ ölüm" haqqında 20 seriyalı film çəkilir.Senari müəllifi və quruluşçu rejissoru Nadir Muqbilov olan “Ağ ölümün kölgələri” adlı serialda döyüş səhnələrinə xüsusi yer ayrılıb. Eyni zamanda serial ağ ölümə qurşananların faciəli həyatını açıb göstərəcək. Rejissor ekran işini dinamikliyi ilə digər seriallardan fərqləndirəcəyinə söz verdi. Çəkilişlərinə start verilən filmdə əməkdar artistlər Suğra Bağırzadə, Azad Şükürov, Aydın Əliyev, eyni zamanda Ənvər Həsənov, Rəşad Kəsəmənli, müğənni kimi tanıdığımız Cəvahir Abdulova və başqaları rol alıblar. Bu, Cəvahir xanımın kinoda ilk roludu. Rejissor, sənətçi xanıma filmdə baronun qızının rolunu həvalə edib. O, filmdə də bir müğənni xanımın həyatını oynayacaq. Cəvahir xanım rejissorun ekran işinin cəmiyyət üçün çağırış xarakterli olduğunu dedi: “Təəssüf ki, cəmiyyətimizdə pis vərdişlərdən əziyyət çəkən insanlar var. Bu filmdə ağ ölüm istifadəçiləri sanki kənardan özlərini izləyib, hansı duruma düşdüklərini görəcəklər. Ümid edirəm ki, serial, onları pis vərdişdən uzaqlaşdırmağa bir vasitə olacaq. Filmdə bununla yanaşı, cəmiyyətimizdə problemə çevrilməkdə olan müxtəlif məqamlar da əksini tapacaq”. Xatırladaq ki, film “MM” studio, "Zoom Film" Company və Azərbaycanfilm Kinostudiyasının birgə istehsalıdır. Filmin ikinci rejissoru Fikrət Məmmədov, səs operatoru Eldar Şahverdiyev, prodüseri Elçin Ağayev, bəstəkarı Zaur Zeynaldır. Filmin rejissoru Nadir Muqbilov bundan öncə “Hökm”, “Qara bazar” və “Prokuror” filmlərini ekranlaşdırıb. Geri dön |