davam.az - BÜTÖV AZƏRBAYCAN ADINA! > Çap səhifəsi > Mançester Siti- Arsenal-a kömək etdi

Manuel Pelleqrininin yetirmələri "Liverpul"a qalib gəlib
Futbol Futbol üzrə İngiltərə Premyer Liqasında yenidən lider dəyişikliyi olub.Birinciliyin 18-ci turunda baş tutan turun mərkəzi qarşılaşmasında "Mançester Siti" lider "Liverpul"u qəbul edib. Gərgin keçən matç 2:1 hesabı ilə ev sahibi komandanın xeyrinə yekunlaşıb. "Mançester Siti"nin bu qələbəsi ötən tur liderliyini "Lİverpul"a təhvil verən "Arsenal"ın işinə yarayıb. "Topçular" turnir cədvəlinin zirvəsindəki yerlərinə geri qayıdıblar.

Tur "Çelsi" üçün də uğurlu alınıb. "Zadəganlar" "Suonsi Siti" üzərində 1:0 hesablı qələbə qazanıblar. Son çempion "Mançester Yunayted" də səfərdə "Hall Siti" üzərində 3:2 hesablı qələbə qazanaraq liderlər qrupuna bir qədər də yaxınlaşıb.

Qeyd edək ki, Premyer Liqada çempionluq uğrunda amansız mübarizə gedir. 8-ci yerdə qərarlaşan "Tottenhem Hotspur"la lider "Arsenal" arasında cəmi 8 xal fərq var.