davam.az - BÜTÖV AZƏRBAYCAN ADINA! > Gündəm, İdman > Nazim Süleymanov "Neftçi"nin baş məşqçisi vəzifəsindən istefa verdi
Nazim Süleymanov "Neftçi"nin baş məşqçisi vəzifəsindən istefa verdi |
|
Bu gün "Neftçi" PFK-nın baş məşqçisi Nazim Süleymanov istefa ərizəsini klub prezidenti Sadıq Sadıqova təqdim edib. Bu barədə klubun saytı məlumat verir.
N.Süleymanov istefası ilə bağlı klubun saytına açıqlama verib: "Neftçi" son üç mövsümün çempionudur və hədəf yenə birincilikdir. Mən isə hazırkı şəraitdə komandanı çempion edəcəyimi düşünmürəm. Ona görə də bu gün istefa ərizəmi klub prezidentinə təqdim etdim. "Neftçi"də çalışdığım müddətdə işimə heç kim tərəfindən müdaxilə olmayıb və qısa müddətdə birgə işlədiyim bütün kollektivə təşəkkür edirəm. Klub prezidenti Sadıq Sadıqova minnətdarlığımı bildirirəm ki, mənim qərarımı anlayışla qarşıladı. Mənim üçün hər zaman doğma olan "Neftçi"yə gələcək oyunlarda uğurlar arzu edirəm". N.Süleymanovun istefa ərizəsi qəbul edilib. O, bugünkü məşqdən əvvəl komanda üzvləri ilə görüşüb və sağollaşıb. Qeyd edək ki, komandanın məşq prosesinə rəhbərlik fiziki hazırlıq üzrə məşqçi Ruben Sellesə tapşırılıb. Geri dön |