Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > Türkiyədə seçki qərargahına hücum: ölən və yaralananlar var
davam.az - BÜTÖV AZƏRBAYCAN ADINA! > Gündəm, Türk dünyası-Turan > Türkiyədə seçki qərargahına hücum: ölən və yaralananlar var

Türkiyədə seçki qərargahına hücum: ölən və yaralananlar var


Seçki qərargahının açılışı vaxtı tədbir iştirakçıları naməlum qrupun silahlı, daşlı və dəyənəkli hücumuna məruz qalıblar

Türkiyənin İstanbul şəhərində Milliyyətçi Hərəkat Partiyasının (MHP) seçki qərargahının açılışında ölümlə nəticələnən insident baş verib.Yerli mətbuata istinadən verdiyi xəbərə görə, ötən gün Esenyurt rayonunun Fatih məhələsində baş vermiş hadisədə 1 nəfər ölüb, 4 nəfər isə müxtəlif dərəcəli bədən xəsarətləri alıb.

Məlumata görə, seçki qərargahının açılışı vaxtı tədbir iştirakçıları naməlum qrupun silahlı, daşlı və dəyənəkli hücumuna məruz qalıblar. Dərhal hadisə yerinə polis və təcili yardım cəlb olunub.

Hadisə yerində göstərilən ilkin tibbi müdaxilədən sonra yaeralılar yaxınlıqda olan xəstəxanalara çatdırılıblar. Göstərilən tibbi müdaxilələrə baxmayaraq yaralılardan Cengiz Akyıldızın həyatını xilas etmək mümkün olmayıb.

Hadisənin baş verdiyi yerdə və yaralıların olduğu xəstəxananın qarşısında polis gücləndirilmiş iş rejimi ilə fəaliyyət göstərir.

Faktla bağlı istintaq başladılıb və araşdırmalar davam edir.

Türkiyədə bu il mart ayında bələdiyyə seçkisi keçiriləcək.
Geri dön