davam.az - BÜTÖV AZƏRBAYCAN ADINA! > Gündəm, Mədəniyyət > Əli bəy Hüseynzadənin yubileyi qeyd olunacaq
Əli bəy Hüseynzadənin yubileyi qeyd olunacaq |
|
Azərbaycan ictimai fikrinin görkəmli nümayəndəsi, tanınmış maarifçi və yazıçı-publisist Əli bəy Hüseynzadənin 150 illik yubileyi qeyd olunacaq.
Məlumatına görə, yazıçıya həsr olunmuş “Milli İstiqlal və Turan aşiqi” adlı dəyirmi masa və sərgi təşkil ediləcək. Sərgidə ilk dəfə olaraq Əli bəy Hüseynzadənin qardaşı nəvəsi Cəmilə Hüseynzadənin, tarixçi Ədalət Tahirzadənin və sənətşünas Ziyadxan Əliyevin şəxsi arxivindən 30 ədəd fotoşəkillər, müxtəlif kitablar və sənədlər nümayiş olunacaq. Dəyirmi masada Azərbaycan İstiqlal Muzeyinin direktoru Fəridə Şəmsi, professor, Şamil Vəliyev, tədqiqatçı Azər Turan, Əli bəy Hüseynzadə irsinin ilk tədqiqatçısı Ofeliya Bayramlının oğlu, Suraxanı İcra Hakimiyyətinin nümayəndəsi Etibar Yolçuyev, Əli bəy Hüseynzadənin qardaşı nəvəsi Cəmilə Hüseynzadə, əməkdar incəsənət xadimi Ziyadxan Əliyev, Azərbaycan teatr tənqidçisi Məsməxanım Qubadova çıxış edəcəklər. Tədbirə Azərbaycan Xalq Cümhuriyyətinin görkəmli nümayəndələrinin ailə üzvləri, tarixçilər, tələbələr, Daxili Qoşunların əsgərləri, Sərhəd Qoşunların şəxsi heyəti qonaq olacaq. Qeyd edək ki, tədbir fevralın 21-də saat 12:00-da Azərbaycan İstiqlal Muzeyində keçiriləcək. Geri dön |