davam.az - BÜTÖV AZƏRBAYCAN ADINA! > Sosial > Azərbaycanı virtual səyahət edək!
Azərbaycanı virtual səyahət edək! |
|
Məkan və zaman məhdudiyyəti olmadan Azərbaycanın bütün gözəl güşələrinə internet üzərindən səyahət edə bilmə imkanı...
2011-ci ildən ölkəmizdə fəaliyyətə başlayan "Panorama Azərbaycan" layihəsi respublikamızın şəhər və rayonlarına artıq internet üzərindən, kompyuterin arxasından durmadan günün istənilən vaxtı online səyahət edə bilmə imkanı yaradır. Bünün üçün "panorama.az" saytının bazasına yüzlərlə məkanlar (parklar, tarixi abidələr, meydanlar,məscidlər, restoranlar və s.) yerləşdirilib. Layihənin missiyası yerli sakinlərə o cümlədən xarici vətəndaşlara respublikamızı tanıtdırmaq, onları vətənimizin əsrarəngiz və görməli yerləri ilə tanış etməkdir. Bu tanışlıqda ən son texnoloji görüntü metodlarından biri sayılan online 3D Virtual Turlardan istifadə edilir. 3D Virtual Turlar vasitəsilə siz ətrafınızda yerləşən məkana 360 dərəcə bucaq altında seyr edə bilərsiniz. Bu günə kimi ölkənin paytaxt və regionlarında müxtəlif təyinatlı məkanlarda çəkilişlər aparılıb ki, bunun da əsasında siz arzusunda olduğunuz həmin məkanlara online səyahət edib, onları özünüz üçün kəşf edə biləsiniz. Layihənin əsas məqsədlərindən biri vaxt itkisinə yol vermədən, məkan və zaman məhdudiyyəti olmadan Azərbaycanın bütün gözəl guşələrinin və tarixi-mədəni yerlərinin virtual səyahətlərini sayt istifadəçilərinə təqdim etməkdir. Bazada 3D Turlar daima təkmilləşir və yeniləri ilə əvəz olunur. Onu da qeyd edək ki, portalın bazasında hazırda paytaxt Bakı ilə yanaşı, 20-dən çox Azərbaycan şəhəri, o cümlədən Gürcüstanın paytaxtı Tiflis də var. Geri dön |