davam.az - BÜTÖV AZƏRBAYCAN ADINA! > Güney Azərbaycan xəbərləri, Mədəniyyət > İranın Şəhriyar qəzetində Naxçıvan Muxtar Respublikasının 90 illik yubileyinə həs olunan məqalə nəşr edilib
İranın Şəhriyar qəzetində Naxçıvan Muxtar Respublikasının 90 illik yubileyinə həs olunan məqalə nəşr edilib |
|
İranın “Şəhriyar” qəzetində Azərbaycanın Naxçıvan Muxtar Respublikasının yaradılmasının 90 illik yubileyinə həs olunan məqalə nəşr edilib. Azərbaycanın Təbrizdəki Baş Konsulluğundan APA-ya verilən məlumata görə, jurnalın 20 fevral 2014-cü il tarixli, 263 saylı buraxılışında və internet səhifəsində (http://shahryaronline.ir/images/PDF_Nashriye/263.pdf) gedən yazıda muxtariyyətin yaranma tarixi, XX əsrin əvvəllərində yaranmış şəraitdən istifadə edən erməni daşnaklarının Azərbaycan torpaqlarına qarşı ərazi iddiaları irəli sürməsi, Azərbaycanın bir çox bölgələrində, o cümlədən Naxçıvanda dinc əhaliyə qarşı qırğınlar törətməsi barədə də bəhs olunur.
Məqalədə muxtar respublikanın İran, o cümlədən İranın sərhəd vilayətləri ilə əlaqələri, muxtar respublikanın son 10 ildə nail olduğu sosial-iqtisadi inkişafa dair məlumatlar da əksini tapıb. Xatırladılır ki, 1989-cu ilin dekabrında Azərbaycanın İranla SSRİ imperiyası tərəfindən tikanlı məftillərlə bağlanan sərhədlər məhz ilk olaraq Naxçıvan əhalisi tərəfindən dağıdılıb. Geri dön |