davam.az - BÜTÖV AZƏRBAYCAN ADINA! > Çap səhifəsi > Türkiyədə Cümhuriyyət yürüşü keçiriləcək

"Gənclər Klubu" İctimai Birliyi Ankarada "28 May Cümhuriyyət Yürüşü" adlı fərqli və orijinal layihəsini təqdim edib.
Belə ki, təşkilat Ankarada Republika günü münasibəti ilə Bayram Yürüş-Mitinqi təşkil edəcək. Azərbaycan Xalq Cümhuriyyətinin yaranmasının 96 ci il dönümü münasibətilə təşkil ediləcək mitinqə Mayın 26-da Bakıdan Ankaraya böyük nümayəndə heyəti yola düşəcək.
Bu heyətin tərkibinə fəal gənclər, ziyallılar və mətbuat nümayəndələri daxil olacaq. Türkiyədən isə Azərbaycanlı tələbələr və ziyalılar qoşulacaq. Ankarada isə heyətə müxtəlif universitetlərdə təhsil alan tələbələr və eyni zamanda Rəsulzadə irsinin araşdırıcısı, qocaman ziyalımız Cəmil Ünal da qoşulacaq.
Mayın 28-də Ankaranın mərkəzindən müstəqil Azərbaycanın banisi, böyük öndər Məhəmməd Əmin Rəsulzadənin "Əsri" qəbirstanlığındakı məzarına yürüş olacaq. Böyük öndərin xatirəsi yad olunduqdan sonra Azərbaycanın keçdiyi yol və AXC-nin fəaliyyəti mövzusunda çıxışlar olacaq.
Bayram Yürüşünə qatılmaq üçün müvafiq şərtlər:
1. Hər kəs qoşula bilər
2. Hər kəs yol və qalma xərclərini özü ödəməlidir
Bakıdan Ankaraya bir neçə avtobusla gediləcək.
Tədbirdə iştirak etmək üçün müraciətlərin son tarixi: 17 May 2014