davam.az - BÜTÖV AZƏRBAYCAN ADINA! > Gündəm, Diaspor > Azərbaycan diasporu erməni soyqırımı abidəsinin ucaldılmasına etiraz etdi
Azərbaycan diasporu erməni soyqırımı abidəsinin ucaldılmasına etiraz etdi |
|
Azərbaycan diasporu Hollandiyanın Almelo şəhərində erməni kilsəsinin qarşısında qondarma erməni soyqırımı qurbanlarının xatirəsinə abidənin ucaldılması planlarına etiraz edib.
Bununla əlaqədar Hollandiya Azərbaycan Türk Kültür Dərnəyinin sədri İlhan Aşkın Almelo Bələdiyyəsinə, Hollandiya Parlamentinin üzvlərinə etiraz məktubu ünvanlayıb. Məktubda ermənilərin soyqırım iddialarının əsassız olduğuna diqqət çəkən təşkilat rəhbəri bildirir ki, 1915-ci ildə Anadoluda 10 milyon əhalinin yaşadığı halda 1,5 milyon erməninin qətlə yetirilməsi absurddur. Müraciətdə həmçinin deyilir ki, soyqırım bəhanəsi ilə Türk dünyasını gözdən salmağa çalışan erməni diasporunun qondarma soyqırım abidəsi ucaltması məntiqli deyil. Üstəlik, bu məsələdə səlahiyyətli orqan kimi bələdiyyələrin icazəsi olmadan hər kəs istədiyi yerdə abidə ucalda bilməz. Azərbaycan və Türk icmasının yerli qanunlara hörmətlə yanaşdığını vurğulayan İlhan Aşkın Hollandiyanın səlahiyyətli qurumlarını, ictimaiyyətini bu ölkədə yaşayan bütün icmalara eyni münasibəti nümayiş etdirməyə çağırıb. Hollandiya Azərbaycan Türk Kültür Dərnəyi Almelo şəhərində qondarma erməni soyqırımı abidəsinin ucaldılmasına etiraz olaraq imzatoplama kampaniyasına başlayıb. Dərnək sədri Hollandiyadakı Azərbaycan və Türk diaspor təşkilatlarına müraciət edərək onları Almelo Bələdiyyəsinə öz etirazlarını bildirməyə çağırıb. Geri dön |