davam.az - BÜTÖV AZƏRBAYCAN ADINA! > Gündəm, Hərb > Yavər Camalov: Ordunun və güc strukturlarının döyüş sursatlarına olan ehtiyacı tam şəkildə milli istehsal hesabına təmin ediləcək
Yavər Camalov: Ordunun və güc strukturlarının döyüş sursatlarına olan ehtiyacı tam şəkildə milli istehsal hesabına təmin ediləcək |
|
Azərbaycan Müdafiə Sənayesi Nazirliyi (MSN) bu ilin sonlarından Silahlı Qüvvələrin və güc strukturlarının döyüş sursatlarına olan ehtiyaclarını tam şəkildə təmin edəcək.
Bunu APA-ya eksklüziv açıqlamasında müdafiə sənayesi naziri Yavər Camalov deyib. Nazir bildirib ki, hazırda MSN müəssisələrində tapança, avtomat, snayper tüfəngləri, pulemyotlar, minaatanlar, müxtəlif qumbaraatanlar, lüləaltı qumbaratanlar, həmçinin ov tüfəngləri üçün fərqli çaplarda döyüş sursatları istehsal edilir: “Bizim istehsal etdiyimiz sursatlar öz keyfiyyətinə görə xarici analoqlarından nəinki geri qalmır, hətta bəzi parametrləri baxımından onları üstələyir”. Y. Camalov qeyd edib ki, yaxın vaxtlarda istifadəyə verilməsi planlaşdırılan zavodlarda tanklar və müxtəlif çaplı artilleriya vasitələri üçün döyüş sursatlarının istehsalı həyata keçiriləcək: “Bununla da qeyd olunan sahədə ordunun tələbatı tam olaraq milli istehsal hesabına qarşılanmış olacaq”. Geri dön |