davam.az - BÜTÖV AZƏRBAYCAN ADINA! > Gündəm, Mədəniyyət > Mir Cəlal Paşayevin 5 cilddə Seçilmiş əsərləri-nin təqdimat mərasimi keçirilib
Mir Cəlal Paşayevin 5 cilddə Seçilmiş əsərləri-nin təqdimat mərasimi keçirilib |
|
Aprelin 30-da Mirzə Fətəli Axundzadə adına Azərbaycan Milli Kitabxanasında görkəmli ədəbiyyatşünas alim, əməkdar elm xadimi Mir Cəlal Paşayevin 5 cilddə "Seçilmiş əsərləri"nin təqdimat mərasimi keçirilib.
Milli Kitabxanadan verilən məlumata görə, tədbirdə dövlət və hökumət nümayəndələri, Milli Məclisin deputatları, ədibin ailə üzvləri, tanınmış elm və mədəniyyət xadimləri iştirak ediblər. Kitabxananın direktoru Kərim Tahirov bildirib ki, "Adiloğlu" nəşriyyatı tərəfindən nəfis şəkildə çapdan buraxılan beşcildliyin tərtibçiləri M.V.Lomonosov adına Moskva Dövlət Universitetinin (MDU) Bakı filialının rektoru, professor Nərgiz Paşayeva və filologiya elmləri doktoru, professor Təhsin Mütəllimov, redaktoru Şəmsəddin Axundov, rəssamı isə Nüsrət Süleymanoğludur. Təqdimat mərasimində mədəniyyət və turizm naziri Əbülfəs Qarayev, akademiklər Abel Məhərrəmov, Vasim Məmmədəliyev, AMEA-nın müxbir üzvləri Nizami Cəfərov, Tofiq Hacıyev və başqaları çıxış edərək Mir Cəlal Paşayevin zəngin ədəbi irsindən və pedaqoji fəaliyyətindən danışıb, onunla bağlı xatirələrini bölüşüblər. MDU-nun Bakı filialının rektoru, professor Nərgiz Paşayeva bildirib ki, hər bir xalqın mədəniyyəti onun yazılı ədəbiyyatında özünü göstərir: “Mükəmməl yazılı ədəbiyyatı olmayan xalqın mükəmməl mədəniyyəti və tarixi də yoxdur. Yazılı ədəbiyyatı olmayan xalqların dili də rəsmən qəbul edilmir. Bu baxımdan ədəbiyyatın, sözün qüdrəti əvəzedilməzdir”. Tədbirin sonunda iştirakçılar “Mir Cəlal irsi” Elektron məlumat bazası və ədibin yaradıcılığını əks etdirən “Azərbaycan nəsrinin görkəmli nümayəndəsi Mir Cəlal Paşayev”adlı kitab sərgisi ilə tanış olublar. Geri dön |