davam.az - BÜTÖV AZƏRBAYCAN ADINA! > DAVAMın yazıları > 1 yaşın mübarək, “Davam”!
1 yaşın mübarək, “Davam”! |
|
Bu gün "Davam" qəzetinin ad günüdür
“Davam” - Milli mücadilədə - Turan Yolu və Bütöv Azərbaycan adına öz davasının adamı olanların qəzeti! Hər həftə oxucuların görüşünə gələn bu qəzet bir növ Azərbaycan millətçilərinin, alim, ziyalı kəsiminin tribunasına çevrilib. Mətbuat-sözün azad ola bildiyi yerdir. Aydın məsələdir ki, jurnal, televiziya və s. kimi vasitələrin hamısı azad sözə xidmət etməlidir. Bunlardan ən əsası isə qəzetdir. Bəzən bir qəzet bütöv bir ordunun gücündən artıq iş görür. Televiziyada verilən verilişlər bir ən çoxu iki dəfə izlənilməklə öz işini tamamlamış olur. Mətbu orqan isə illərlə, səhifələri çürüyüb gedənə qədər lazımlı ola bilir. Amma bu heç də hər bir mətbu orqana sərbəst olma hüququnu vermir. Qəzet həm də arxivdir. Bu gün verilən hər hansı bir xəbər sabahın keçmişini təşkil edir. Biz necə “Əkinçi”dən, “Füyuzat”dan yararlanırıqsa bizim dərc etdiyimiz hər bir səhifə də beləcə tarixə dönür. Ölkəmizdə söz və mətbuat azadlığının ironik hal aldığı bir vaxtda “Davam” qəzetinin öz məfkurə ağırlığını ortaya qoyması yerinə düşdü. 16 səhifədən ibarət, içəriliyində Təbriz qəzetini daşıyan, “Bütöv Azərbaycan adına” mücadilə aparan, öz səhifələrində hər zaman milli birlik və bərabərlik anlayışını xüsusi vurğulayan “Davam” qəzeti adını da elə buradan götürmüşdür. Milli mücadilənin davamı olaraq hər həftə oxucuların görüşünə gəlir. Turançılıq ideyasına əzmlə xidmət edir. Qəzetin səhifələrində kəskin vətənpərvərlik ruhu diqqəti cəlb edir. Hər nömrənin “Hərb” səhifəsində mütləq şəkildə milli qəhrəmanlarımızın, şəhidlərimizin doğum və anım günü qeyd olunur. Qürurumuz olan öz silahlarımız haqqında geniş məlumat verilir. Borçalı, Dərbənd, Qərbi Azərbaycan rubrikları var ki, Vətənimizin həmin bölgələrində baş vermiş hadisələri dərhal işıqlandırılır, bu yerlərdəki mövcud və tarixi vəziyyət barədə daimi araşdırmalar və tədqiqatlar aparır. Xüsusi önəm verilən məsələlərdən biri də bu gün ən vacib problemlərimizdən biri olan, güclənməsində gecikdiyimiz Azərbaycan diasporası məsələləridir. Azərbaycan mətbuatında “Davam” qəzeti yeganə mətbu orqandır ki, yuxarda sadalananlar və bundan əlavə folklora, elm, Turan, hüquq, sağlamlıq, mənəviyyat və soyqırım kimi rubrikaları var. Eyni zamanda yuxarıda sadalananları özündə ehtiva etdirən “davam.az”xəbər portalı fəaliyyət göstərir. Portal “Bütöv Azərbaycan adına” devilzi altında “yalan xəbərə qarşı” prinsipini rəhbər tutaraq ardıcıl olaraq yenilənir. Yaxın zamanda qəzetin bir neçə əcnəbi dildə versiyaları da fəaliyyətə başlayacaq. Geri dön |