davam.az - BÜTÖV AZƏRBAYCAN ADINA! > İdman > Azərbaycan kubokunun sahibi Neftçi oldu
Azərbaycan kubokunun sahibi Neftçi oldu |
|
Oyunun taleyini penaltilər müəyyən edib
Müəllif Babək GöyüşBaxılıb 699Kateqoriya Futbol Futbol üzrə Azərbaycan kubokunun sahibi "Neftçi" olub. Qəbələ şəhərinin eyni adlı komandası ilə keçirilən qarşılaşmanın əlavə vaxtı da 1:1 hesabı ilə bitdiyindən penaltilərdən yaxşı yararlanan (3:2) Bakının "Neftçi" klubu Azərbaycan kubokunun bu ilki sahibi oldu. 22 may Azərbaycan kuboku, final 20:00. "Qəbələ" - "Neftçi" 1:1 Penaltilər seriası (2:3) Qeyd edək ki, "Neftçi" tarixində 6-cı dəfə Azərbaycan kubokunun sahibi oldu. Bakılılar artıq 2-ci mövsüm dalbadal kubok sevincini yaşayırlar. 22.26 Futbol üzrə Azərbaycan kubokunda əlavə vaxt təyin olunub. ANS PRESS-in Tofiq Bəhramov adına Respublika stadionunda olan əməkdaşının verdiyi məlumata görə, oyunun əsas vaxtı 1:1 hesabı ilə nəticələndiyindən hakim əlavə vaxt təyin edib. Qeyd edək ki, hal-hazırda oynanılan "Qəbələ" - "Neftçi" matçında azarkeşlər də futbolçular kimi gərgin anlar yaşayır. "Neftçi" azarkeşləri bu dəqiqədə daha ciddi nəzarət altındadır. Belə ki, polislər paytaxt klubunun azarkeşlərinin ətrafında nəzarəti gücləndiriblər. Təxminən 15 000-ə çatan qəbələli azarkeşlər "Neftçi"ni təhqit atəşinə tutublar. 21.50 "Qəbələ"-"Neftçi" oyununda ikinci qol vurulub. Oyunun 72-ci dəqiqəsinda "Qəbələ"nin oyunçusu fərqlənib. Hazırda hesab 1:1-dir. Xatırladaq ki, "Qəbələ"-"Neftçi" oyununda hesab oyunun 53-cü dəqiqəsində açılıb. "Neftçi"nin oyunçusu Samir Məsimov fərqlənib. 0:1. 20.27 Tofiq Bəhramov adına Respublika stadionunda futbol üzrə Azərbaycan kuboku yarışlarının final oyunu – “Qəbələ” və “Neftçi” komandaları arasında görüş başlayıb. ANS PRESS-in məlumatına görə, FİFA referisi Əliyar Ağayevin idarə etdiyi oyunda nominal ev sahibi olan “Qəbələ”nin heyətində meydana Kamran Ağayev, Rail Məlikov, Marat İzmayılov, Nizami Hacıyev, Viktor Mendi, Luis Hilario Dodo, Lorenzo Ebesilio, Ruslan Tağızadə, İbrahima Niasse, Rafael Santos və Davrovjan Erqaşov çıxıblar. “Neftçi”nin ilk “11-liyi”ndə isə Saşa Stamenkoviç, Karlos Kardoso, Rəşad Sadiqov, Flavinyo, Cavid İmamverdiyev, Erik Fabian Ramos, Bruno Bertuççi, Samir Məsimov, Məqsəd İsayev, Elvin Yuniszadə və Örnest Nfor yer alıblar. Oyunun sonunda azarkeşlər arasında lotereya keçiriləcək. Geri dön |