davam.az - BÜTÖV AZƏRBAYCAN ADINA! > Xəbərlər, Mədəniyyət > AMEA Mərkəzi Elmi Kitabxananın hazırladığı M. F.Axundzadə haqqında biblioqrafik göstərici nəşr olunub
AMEA Mərkəzi Elmi Kitabxananın hazırladığı M. F.Axundzadə haqqında biblioqrafik göstərici nəşr olunub |
|
Azərbaycan Elmlər Akademiyası Rəyasət Heyətinin 1964-cü ildə verdiyi qərara əsasən Mərkəzi Elmi Kitabxanası “Azərbaycanın elm və mədəniyyət xadimləri” seriyası altında bugünə qədər 300-ə yaxın şəxsi biblioqrafik göstərici hazırlamışdır. Bu sıradan növbəti biblioqrafik göstərici Mirzə Fətəli Axundzadəyə həsr olunmuşdur.
Böyük Azərbaycan mütəfəkkiri, milli dramaturgiyamızın banisi, görkəmli ictimai xadim və maarifçi Mirzə Fətəli Axundzadənin anadan olmasının 200 illiyinin keçirilməsi ilə bağlı Azərbaycan Respublikasının prezidenti İlham Əliyev 2010-cu ilin aprel ayının 3-də sərəncam imzalamışdır. Dövlət başçısının sərəncamına əsasən AMEA Mərkəzi Elmi Kitabxanası M.F.Axundzadənin həyat və faliyyətini əks etdirən biblioqrafik göstəricini nəşrə hazırlamışdır. Yeni çapdan çıxmış bu göstəricinin elmi redaktoru və ön sözün müəllifi filologiya elmləri doktoru Aybəniz Əliyeva-Kəngərli, tərtibçisi pedaqogika üzrə fəlsəfə doktoru Nadir İsmayılov, redaktoru filologiya üzrə elmlər doktoru Nəriman Seyidəliyevdir. Göstəricidə akademik İsa Həbibbəylinin M.F.Axundzadəyə həsr olunmuş “Böyük mütəfəkkir” adlı məqaləsi xüsusi yer tutur. Məqalədə böyük mütəfəkkirin həyat və fəaliyyətinə geniş aspektdə yanaşılır. Biblioqrafik göstəricidə təqdim olunmuş materiallar bir neçə bölmədə qruplaşdırılmışdır. Belə ki, M.F.Axundzadənin həyat və yaradıcılığının əsas tarixləri, anım tarixləri, öz əsərləri və haqqında yazılan materiallar müvafiq bölmələrdə xronoloji qaydada yerləşdirilmişdir. M.F.Axundzadənin xarici dillərdə nəşr olunmuş əsərləri və haqqında yazılmış materiallar da ayrı-ayrı bölmələrdə təqdim olunmuşdur. Biblioqrafiyadan istifadəni asanlaşdırmaq məqsədilə böyük mütəfəkkirin əsərlərinin, həyat və fəaliyyəti haqqında, onun barəsində yazan müəlliflərin adlarının əlifba göstəricisi verilib. Biblioqrafik göstərici M.F.Axundzadə haqqında hərtərəfli məlumat almaq istəyən oxucular üçün əvəzedilməz bir vəsaitdir. Mərkəzi Elmi Kitabxananın Mətbuat xidməti Geri dön |