davam.az - BÜTÖV AZƏRBAYCAN ADINA! > Mədəniyyət > Mirfatma Mirbaba qızının yeni şeirləri
Mirfatma Mirbaba qızının yeni şeirləri |
|
Mirfatma xanımın şeirləri oxucular tərəfindən çox maraqla qarşılanır. Onun saytda təqdim olunan əvvəlki şeirlərinin mindən çox oxucuları vardır. İstedadlı ziyalı xanımın həyat müşahidələrində üstün cəhət ondan ibarətdir ki, oxucunun diqqətini insani keyfiyyətləri əks etdirən hadisələrə yönəldir. Bundan əlavə, təsvir etdiyi bədii lövhələrdə fəlsəfi süjetlər özünəməxsus deyimlərlə təqdim olunur və insanın dünyagörüşünün zənginləşməsinə yön verir. İndi təqdim etdiyimiz şeirlər də yuxarıda söylədiyimiz fikirlərlə səsləşən məzmundadır.
KÖKSÜ SEVDALI DÜNYAM Ayaqyalın, başıaçıq Yağış altda hey qaçardım... Sahillərdə qarış-qarış Görünməyən İzlərini axtarardım. Dönüşü yox o yolların, Qəlbimdəki Sənə olan Arzuların gedişini Arzulardım. Aman, Allah eylə yardım, Sənli ikən Sənsiz oldu, Köksü sevdalı dünyamın Arzuları narın yağış... Gəzdim onu qarış-qarış. İstəsən də, isti baxış Ötdü məndən, kənar oldu, Əzab çəkdi, hədər oldu. Köksü sevdalı dünyamın Yanan odu yaman oldu. Arzuları, diləkləri Dərd əlindən talan oldu, Dünya kimi yalan oldu Köksü sevdalı dünyamın... İSLANSIN DODAQLARIMIZ Buludların arasından boylandı günəş, Yaxın gəl, yox edək illərin həsrətini. Şəfəqlər sevgilərin işığın qaytarır özünə, Biz də yığaq əlindən -ətəyindən, Tökülsün üzümüzə göylərə çəkilmiş göz yaşları. İslansın dodaqlarımız... İsitsin istisilə, versin hərarətini Həsrət fəlakətini alsın alsın zaman əlindən. Buludların arasından boylandı günəş, Yaxın gəl, gəl əsirgəmə məhəbbətini. Dünyaya meydan oxusun, Şadlıq siminə toxunsun titrəyən o əllərin, . . Üşütməsin canını, yağışın damcıları. Göy üzü boyunca süzülən işığın rəngləri Dolansın başına Yer adlı gəlinin. Göstərsin canlı təbiət, qoşalaşan fitrətini. MƏHƏBBƏTİN KÖZÜ SÖNMÜŞ Könlüm içir, nisgilli məhəbbətin göz yaşından, Doya-doya abu-zəmzəm suyuymuş kimi, Xəyallarım, göz önümdə xoşbəxtliyin yasından Ötən ömrün, acısından məst olmuş kimi. Sönmüş-susmuş hərarətim ocağında, Nədir bilməm qəbahətin otağında Mənə olan mətanətin, özü sönmür... Yaradanın yaratdığı məhəbbətin közü sönmür... Geri dön |