davam.az - BÜTÖV AZƏRBAYCAN ADINA! > Xəbərlər, İqtisadiyyat > Qəbələdə ECO-nun təbii fəlakətlərin idarə olunması üzrə 7-ci Beynəlxalq Konfransı işə başlayıb
Qəbələdə ECO-nun təbii fəlakətlərin idarə olunması üzrə 7-ci Beynəlxalq Konfransı işə başlayıb |
|
Qəbələdə İqtisadi Əməkdaşlıq Təşkilatının (ECO) təbii fəlakətlərin idarə olunması üzrə 7-ci Beynəlxalq Konfransı işə başlayaıb.
Konfransa ECO-ya üzv olan Azərbaycan, Əfqanıstan, İran, Qazaxıstan, Qırğızıstan, Pakistan, Tacikistan, Türkiyə və Türkmənistanın fövqəladə halların idarə edilməsi sahəsinə məsul olan dövlət qurumlarının rəhbər şəxsləri və nümayəndələri qatılıblar. Tədbirin keçirilməsində əsas məqsəd təşkilata üzv ölkələrin müvafiq qurumları və təşkilatla sıx əməkdaşlıq edən beynəlxalq təşkilatlar arasında mülki müdafiə, əhalinin və ərazilərin təbii və texnogen xarakterli fövqəladə hallardan qorunması, onların qarşısının alınması və nəticələrinin aradan qaldırılması sahəsində birgə əməkdaşlığı daha da dərinləşdirməkdən ibarətdir. Qeyd edək ki, konfrans ECO-nun təşəbbüsü və Azərbaycan Respublikası Fövqəladə Hallar Nazirliyinin təşkilatçılığı ilə keçirilir. Tədbir 2 gün davam edəcək və iyunun 5-də öz işini yekunlaşdıracaq. Geri dön |