davam.az - BÜTÖV AZƏRBAYCAN ADINA! > Gündəm, Mədəniyyət, Bildiriş > AMEA Mərkəzi Elmi Kitabxanası Naxçıvan Muxtar Respublikasının 90 illiyinə həsr edilmiş sərgi təşkil etmişdir
AMEA Mərkəzi Elmi Kitabxanası Naxçıvan Muxtar Respublikasının 90 illiyinə həsr edilmiş sərgi təşkil etmişdir |
|
Azərbaycan Milli Elmlər Akademiyasının Rəyasət Heyəti Naxçıvan Muxtar Respublikasının 90 illiyinə həsr edilmiş “Beynəlxalaq münasibətlərdə Naxçıvan və müasir dövrdə inkişaf prosesləri” mövzusunda beynəlxalq elmi konfrans keçirmişdir. Bu münasibətlə Mərkəzi Elmi Kitabxana geniş ədəbiyyat sərgisi təşkil etmişdi. Burada 1200-dən çox Azərbaycan və xarici dillərdə ədəbiyyat nümayiş olundu. Sərginin müvafiq bölmələrində Naxçıvanın tarixi, ədəbiyyatı, iqtisadiyyatı, mədəniyyəti, elmi, maarifi və digər sahələr yer almışdır. “Azərbaycan elminin inkişafında Naxçıvan” adlı bölmədə Naxçıvanda yaşayıb yaradan alimlərin əsərləri konfrans iştirakçılarına təqdim olunmuşdur. Həmçinin Naxçıvana aid ədəbiyyatların virtual görüntüləri, fotoşəkillər və Naxçıvan haqqında sənədli film də nümayiş etdirilmişdir.
Konfransda iştirak edən Azərbaycan Milli Elmlər Akademiyasının prezidenti, akademik Akif Əlizadə, AMEA-nın vitse-prezidenti, Nizami adına Ədəbiyyat İnstitutunun direktoru, akademik İsa Həbibbəyli, AMEA Naxçıvan bölməsinin sədri, akademik İsmayıl Hacıyev, AMEA-nın müxbir üzvü Teymur Kərimli, Ərzrum Universiteti, Tarix Bölümünün müdiri, professor Yavuz Aslan, rusiyalı professor Yuri Kuznetsov, Naxçıvan Muxtar Respublikasının Bakı şəhərindəki daimi nümayəndəsi Bəxtiyar Əsgərov və digər qonaqlar sərgi ilə yaxından tanış oldular. Sərgi konfrans iştirakçılarının böyük marağına səbəb oldu və onlar yubiley tədbirinin əyaniliyinə səbəb olan belə bir sərgi təşkil etdiyinə görə Mərkəzi Elmi Kitabxananın rəhbərliyinə və əməkdaşlarına öz minnətdarlıqlarını bildirdilər. Rəşad Sahil AMEA Mərkəzi Elmi Kitabxanasının İctimaiyyətlə əlaqələrə məsul əməkdaşı Geri dön |