davam.az - BÜTÖV AZƏRBAYCAN ADINA! > Mədəniyyət > Azərbaycan UNESCO-ya sorğu göndərib
Azərbaycan UNESCO-ya sorğu göndərib |
|
UNESCO-nun mədəni dəyərlərin müdafiəsi komitəsinə hərbi münaqişə baş verəcəyi təqdirdə Azərbaycanda ümumdünya irsinə daxil olan iki obyektə “gücləndirilmiş müdafiə” statusunun verilməsi ilə bağlı Azərbaycandan sorğu daxil olub.
Bunlar Şirvanşahlar Sarayı və Qız Qalasının yerləşdiyi İçərişəhər və Qobustan qayaüstü incəsənət nümunələridir. Komitə əlavə informasiya toplamaq üçün bu sorğunu iştirakçı ölkələrə göndərib. Qeyd edək ki, dünən UNESCO-nun mənzil-qərargahında keçirilən iclasda Litvadakı Kyarnave arxeoloji abidəsinə analoji status verilib. “Gücləndirilmiş müdafiə” statusu hərbi münaqişələr dövründə mədəniyyət abidələrinin müdafiəsinə dair 1954-cü il Haaqa Konvensiyasının 1999-cu ildə qəbul olunmuş ikinci Protokolunun əsas xüsusiyyətlərindən biridir. Bu status üç şərtlə verilir: 1) abidə bəşəriyyət üçün mühüm əhəmiyyət kəsb edir; 2) yerli hakimiyyət orqanları tərəfindən lazımi qaydada mühafizə edilir, tarixi dəyəri ilə əlaqədar yüksək mühafizə sistemi ilə təmin olunur; 3) abidə hərbi məqsədlər üçün istifadə edilmir. Geri dön |