davam.az - BÜTÖV AZƏRBAYCAN ADINA! > Gündəm, Siyasət > Obama Ermənistana və Rusiyaya yeni səfirlər göndərir
Obama Ermənistana və Rusiyaya yeni səfirlər göndərir |
|
ABŞ prezidenti Barak Obama Ermənistandakı səfir postuna namizəd irəli sürüb. Senata Riçard Millzin təqdimatı verilib. Riçard Millz hazırda ABŞ-ın Livandakı səfirinin müavinidir. Əvvəllər ABŞ-ın Malta, Fransa, İrlandiya, Səudiyyə Ərəbistanı, Böyük Britaniya, İraq və Pakistandakı diplomatik missiyalarında çalışıb.
Barak Obama Rusiyada səfir postuna Con Teffti təklif edib. Con Tefft əvvəllər ABŞ-ın Litva (2000-2003), Gürcüstan (2005-2009) və Ukraynada (2009-2013) səfiri olub. O, 1996-1999-cu illərdə ABŞ-ın Moskvadakı diplomatik missiyası rəhbərinin müavini, 1989-1992-ci illərdə isə Dövlət Departamentinin SSRİ/Rusiya və MDB şöbəsi rəhbərinin müavini postlarını tutub. Bir çox ekspertlər Tefftin “rəngli inqilablar” üzrə mütəxəssis olduğunu iddia edirlər. Tefftin namizədliyini Senat (parlamentin yuxarı palatası) təsdiqləməlidir. ABŞ-ın Rusiyadakı səfiri postu 2014-cü ilin fevralında Maykl Makfol istefaya getdikdən sonra boşdur. Geri dön |