davam.az - BÜTÖV AZƏRBAYCAN ADINA! > Siyasət > Azərbaycan XİN-in nümayəndə heyəti Polşaya işgüzar səfər edib
Azərbaycan XİN-in nümayəndə heyəti Polşaya işgüzar səfər edib |
|
Azərbaycanın xarici işlər nazirinin müavini Xələf Xələfovun başçılıq etdiyi nümayəndə heyəti, xarici işlər nazirlikləri arası siyasi məsləhətləşmələrin aparılması məqsədilə Polşaya işgüzar səfər edib.
Azərbaycanın Polşadakı səfirliyindən verilən məlumata görə, səfər zamanı nümayəndə heyəti Polşa prezidentinin Administrasiyasının beynəlxalq məsələlər üzrə naziri Y.Sokolovski, Senatın sədrinin müavini S.Karçevski, Seymin beynəlxalq münasibətlər komissiyasının sədri Q.Sxetina, xarici içlər nazirinin müavini Y.Pomyanovski, iqtisadiyyat nazirinin müavini M.Kaliski ilə görüşlər keçirib. Tərəflər arasında siyasi dialoqun davam etdirilməsi, energetika sahəsində, iqtisadi, humanitar, mədəni sahələrdə mübadilələrin artırılması, Avropa İttifaqı ilə əməkdaşlığın daha da dərinləşdirilməsi, Şərq Tərəfdaşlığı proqramı çərçivəsində müvafiq layihələrin həyata keçirilməsi, parlamentlər arası əməkdaşlığın daha da möhkəmləndirilməsi, beynəlxalq və regional məsələlər ətrafında müzakirələr aparılıb. Xarici işlər nazirlikləri arasında məsləhətləşmələrin 2012-ci ildə Bakıda aparılması üzrə razılıq əldə edilib. Eyni zamanda Polşaya səfər çərçivəsində nümayəndə heyəti bu ölkədə fəaliyyət göstərən Azərbaycan diaspor təşkilatlarının üzvləri ilə görüş keçirib, görülən işlər barədə müzakirələr və 2012-ci ildə fəaliyyət istiqamətləri haqqında fikir mübadiləsi aparılıb. Nazir müavini Xələfov səfirliyin işi ilə tanış olub. Keçirilmiş görüşlər və tədbirlərdə Azərbaycanın Fövqəladə və Səlahiyyətli səfiri Həsən Həsənov iştirak edib. Geri dön |