davam.az - BÜTÖV AZƏRBAYCAN ADINA! > Çap səhifəsi

Ermənistan prezidenti Serj Sərkisyan oktyabrın (october) 29-da İordaniyaya rəsmi səfər edib.
İordaniya kralı II Abdullanın dəvəti ilə baş tutan səfər zamanı dövlət başçıları əvvəl təkbətək, sonra nümayəndə heyətlərinin iştirakı ilə bir araya gəliblər. Bu barədə “Media forum” saytı məlumat yayıb.

Ermənistanla İordaniya arasında əməkdaşlıq sənədləri imzalanıb. Razılaşmalar atom enerjisindən dinc məqsədlərlə istifadəni, diplomatik pasportu olan vətəndaşlar üçün vizaların ləğvini, səhiyyə, investisiyaların (sərmayə yatırmaq) təşviqi, iqtisadi əməkdaşlıq, turizm, kənd təsərrüfatı, mülki aviasiya (həvanəvərdi, havacılıq) sahələrində işbirliyini nəzərdə tutur.

İmzalanan sənədlər arasında Ermənistan-İordaniya Biznes Şurasının yaradılması, paytaxt şəhərləri İrəvanla Əmmanın qardaşlaşması haqqında razılaşmalar var.

Əmman İrəvana qardaş oldu