davam.az - BÜTÖV AZƏRBAYCAN ADINA! > Çap səhifəsi > Şaxtyor uduzdu və... mərhələ keçdi

UEFA Çempionlar Liqasının qrup mərhələsində 5-ci tura start verilib. Noyabrın 25-də iki komanda 1/8 finala adlaya bilib. H qrupunda yarışan Ukraynanın “Şaxtyor” komandası Lvovda İspaniyanın “Atletik” klubuna məğlub olsa da (0:1), raundu keçib. Buna Donetsk təmsilçisini izləyən BATE-nin (Belarus) evdə lider “Portu”ya uduzması (0:3) səbəb olub. Sona 1 tur qalmış “Şaxtyor” 8 xalla “Atletik” və BATE üçün əlçatmazdır.

Səfərdə “Şalke”ni 5:0 hesabı ilə udan Londonun “Çelsi” komandası isə G qrupundan ilk vəsiqəni qazanıb.

Çempionlar Liqasının qrup mərhələsini indiyəcən Dortmund “Borussiya”sı, Madrid “Real”ı, “Bavariya” (Almaniya), PSJ (Fransa), “Barselona” (İspaniya), “Portu” (Portuqaliya) dəf etmişdilər.