davam.az - BÜTÖV AZƏRBAYCAN ADINA! > Xəbərlər, Siyasət > Ukraynalılar Avropaya vizasız gedəcəklər
Ukraynalılar Avropaya vizasız gedəcəklər |
|
2015-ci ilin payızından etibarən ukraynalılar biometrik pasportlar vasitəsilə Avropaya vizasız səfər edə biləcəklər.
Bu barədə Ukrayna xarici işlər naziri müavini Yelena Zerkal xəbər verib. “Biz çalışırıq ki, AB (Avropa Birliyi) Ukraynaya vizasız status versin, sentyabr-oktyabr aylarında isə ukraynalıların biometrik pasportları ilə viza tələb olunmadan səyahət edə bilməsinə nail olaq”- deyə nazir müavini yerli "İnter" telekanalında çıxışı zamanı bildirib. Bu arada o biometrik xarici pasportların paylanmasının 2015-ci ilin 1 yanvar tarixinə planlaşdırıldığını qeyd edib. Lakin AB pasportların paylanmasını, sistemin işləməsini, seriya istehsalının təhlükəsizliyini qiymətləndirməyənə qədər viza rejiminin ləğvi mümkün olmayacaq. Bu isə vaxt tələb edir. Qeyd edək ki, ABŞ-da (Amerika Birləşmiş Ştatları) 2001-ci il 11 sentyabr hadisəsindən sonra tətbiq edilən biometrik xarici pasportların fərqli cəhəti budur ki, onda vətəndaşın bütün məlumatını özündə əks etdirən çiplər mövcud olur. Geri dön |