davam.az - BÜTÖV AZƏRBAYCAN ADINA! > Hərb > İki erməni əsgər öldürüldü
İki erməni əsgər öldürüldü |
|
İşğal olunmuş torpaqlarımız erməni muzdlulara məzar oldu
Azərbaycanın işğal edilmiş torpaqlarında daha iki erməni hərbçi ölüb. Ermənistan mətbuatının verdiyi məlumata görə, ölən hərbi qulluqçular erməni ordusunda muzdlu xidmət keçən hərbçilər olub. Onlardan biri Karen Qriqoryan, digəri isə Vardan Mkrtçyandır. Qeyd edək ki, bir qədər əvvəl erməni tərəfi Azərbaycan Silahlı Qüvvələrinin guya üç hərbi qulluqçusunun, o cümlədən Eldar Məmmədov adlı “unter zabitin” öldürülməsi barədə məlumatlar yaymışdı. Azərbaycan Müdafiə Nazirliyi ANS PRESS vasitəsilə dərhal bu xəbərə reaksiya vermişdi. Müdafiə Nazirliyi ANS PRESS-in sorğusuna cavab olaraq bildirib ki, erməni mətbuatının cəbhədəki atəşkəs rejiminin pozulması zamanı Azərbaycan Silahlı Qüvvələrinin guya üç hərbi qulluqçusunun, o cümlədən Eldar Məmmədov adlı “unter zabitin” öldürülməsi barədə məlumatlar dezinformasiya xarakteri daşıyır. Qeyd edək ki, Ermənistan mətbuatında yayılan məlumata görə, guya Azərbaycan tərəfi yanvarın 5-dən 6-na keçən gecə atəşkəs rejimini 320 dəfə puzub. Erməni tərəfinin iddiasına görə, Azərbaycan Ordusu müxtəlif kalibrli silahlardan, həmçinin 60mm və 82mm və RPQ-7 tipli minaatanlardan erməni mövqelərinə 4500-dən çox atəş açıblar. Geri dön |