davam.az - BÜTÖV AZƏRBAYCAN ADINA! > Hadisə > Göyçayda iki avtomobil toqquşub, 5 nəfər xəsarət alıb
Göyçayda iki avtomobil toqquşub, 5 nəfər xəsarət alıb |
|
Göyçay-Cəyirli yolunda 5 nəfərin ağır xəsarət alması ilə nəticələnən avtomobil qəzası baş verib.
Rayon Polis Şöbəsindən verilən məlumata görə, hadisə ötən gün saat 22:00 radələrində yolun 2-ci km-də qeydə alınıb. Göyçay sakini 1964-cü il təvəllüdlü Əhmədov İlham Ağalar oğlunun idarə etdiyi 10 CD 616 dövlət nömrə nişanlı, “VAZ 2106” markalı minik maşını qarşı tərəfdən gələn, 1959-cu il təvəllüdlü Feyzullayev Əlibaba Sədiyar oğlunun idarə etdiyi 90 EK 661 dövlət nömrə nişanlı, “VAZ 2106” markalı maşınla toqquşub. Hadisə nəticəsində hər iki avtomobilin sürücüsü və sərnişinlər - 1997-ci il təvəllüdlü Hüseynov Elşən Feyzulla oğlu, 1955-ci il təvəllüdlü Məmmədova Şəmsiyyə Alıxan qızı və 1977-ci il təvəllüdlü Babayev Aqşin Şaban oğlu müxtəlif dərəcəli ağır bədən xəsarətləri alıblar. Onlar Göyçay Mərkəzi Rayon Xəstəxanasına yerləşdiriliblər. Faktla bağlı Göyçay Rayon Polis Şöbəsi tərəfindən araşdırma aparılır. Geri dön |