davam.az - BÜTÖV AZƏRBAYCAN ADINA! > Gündəm, Mədəniyyət > “Şuşalı şəhid” filminin çəkilişləri başa çatmaq üzrədir
“Şuşalı şəhid” filminin çəkilişləri başa çatmaq üzrədir |
|
Mədəniyyət və Turizm Nazirliyinin “Yaddaş” sənədli filmlər studiyasında dövlət sifarişi ilə Milli Qəhrəmanlar silsiləsindən indiyədək iyirmi sənədli film çəkilib, on beş film isə hazırda istehsalın müxtəlif mərhələsindədir.
Nazirliyin mətbuat xidmətindən bildirilib ki, bu ekran əsərlərindən olan “Şuşalı şəhid” filminin çəkilişləri başa çatmaq üzrədir. Qarabağ müharibəsində Şuşa şəhər özünümüdafiə taborunun komandiri olmuş, Azərbaycanın Milli Qəhrəmanı Ramiz Qəmbərovun həyatından və keçdiyi şərəfli döyüş yolundan bəhs edən filmin ssenari müəllifi və rejissoru Kəmalə Musazadədir. R.Qəmbərov ilə bağlı xronikal kadrların da yer aldığı filmdə döyüş yoldaşları və müəllimləri qəhrəman haqqında xatirələrini bölüşür, onun igidliyindən və göstərdiyi şücaətlərdən söhbət açırlar. Geri dön |