davam.az - BÜTÖV AZƏRBAYCAN ADINA! > Gündəm, Sosial > Yeni nəsil texnologiyaların tətbiqi genişzolaqlı internet xidmətlərinin əhatə dairəsini genişləndirir
Yeni nəsil texnologiyaların tətbiqi genişzolaqlı internet xidmətlərinin əhatə dairəsini genişləndirir |
|
Rabitə və Yüksək Texnologiyalar Nazirliyinin “Aztelekom” İstehsalat Birliyi 10 regional telekommunikasiya qovşağının infrastrukturunun genişləndirilməsi üçün NGN avadanlığı alıb. Telekommunikasiya avadanlığının tədarükçüsü qismində Çinin “Huawei Technologies” və Sloveniyanın “Iskratel” şirkətləri çıxış edir.
Birlikdən verilən məlumata görə, ilin sonunadək tikinti-montaj işlərinin başa çatdırılması planlaşdırılır. Avadanlığın quraşdırılması nəticəsində respublikanın 47 şəhər və rayonunda genişzolaqlı internetin portlarının sayı 100 min artacaq. Həmçinin, 63 kilometr uzunluğunda kabel-kanalizasiya qurğularının tikintisi, 254 km uzunluğunda optik rabitə xəttinin çəkilməsi və 35 min cüt abonent şəbəkəsinin işə salınması nəzərdə tutulur. Bu işlərin reallaşdırılmasına 13,7 milyon avro həcmində investisiya cəlb olunub. Vəsaiti Avropa Yenidənqurma və İnkişaf Bankı ayıracaq. Kredit üzrə faiz dərəcəsi illik 6 faiz təşkil edir. Geri dön |