davam.az - BÜTÖV AZƏRBAYCAN ADINA! > Çap səhifəsi > İran media azadlığı baxımından 180 ölkə arasında 173-cü yerdədir

Sərhədsiz Reportyorlar Beynəlxalq Təşkilatı fevralın 12-də dünyada media azadlığı və kütləvi informasiya vasitələrinin durumu ilə bağlı növbəti hesabatını yayıb.
Media azadlığının vəziyyəti ilə əlaqədar yayılan hesabatda İran dünyanın 180 ölkəsi arasında 173-cü yeri tutub. Təşkilatın 2014-cü ilində yayılmış hesabatında İran yenə həmin yeri tutmuşdu. Hesabatda təqdim edilən siyahıda, media azadlığının ən pis və acınacaqlı durumda olması baxımından yalnız 7 ölkə ( Sudan, Vyetnam, Çin, Suriya, Türkmənistan, Şimali Koreya və Efiopiya) İrandan sonrakı pillələrdə qərarlaşıb.

Siyahıda həmçinin dünyanın ən azad mediasına malik olan 3 Avropa ölkəsinin, (Finlandiya, Norveç və Danimarka) adları qeyd olunur. Finlandiya isə 5 ildən bəri ardıcıl olaraq “Sərhədsiz reportyorlar” təşkilatının media azadlığı ilə bağlı yaydığı hesabatında 1-ci yeri tutur.