davam.az - BÜTÖV AZƏRBAYCAN ADINA! > Çap səhifəsi > Güney Azərbaycanda daha bir məktəb yandı

İranın Qərbi Azərbaycan Vilayətinin Piranşəhr (Xana) şəhərinin kəndlərinin birində məktəb yanıb.
Şəxtan kəndinin məktəbində bazar günü fevralın 8-də (bəhmənin 19-u) yanğın olub. Yanğına qeyri-standard neft sobası səbəb olub. Xoşbəxtlikdən yanğın müəllimlər tərəfindən söndürülüb və kimsə xəsarət almayıb.

Qeyd edək ki, Standard istilik sistemindən məhrum olan məktəblərdə belə hadisələr zaman-zaman baş verir. 2012-ci il dekabrın 5-də (1391-ci il azərin 15-də) Piranşəhrin daha bir kəndi Şinabadda oxşar hadisə baş vermişdi. Neft sobasının alışması nəticəsində baş verən yanğın 28 qız şagirdinin yanması ilə nəticələnmişdir. Onlardan 12-i ağır xəsarət alıb, 2-i isə həlak olmuşdur.