davam.az - BÜTÖV AZƏRBAYCAN ADINA! > Xəbərlər, Sosial > Pensiyaçılara ŞAD XƏBƏR - Sizin yerinizə DSMF ödəyəcək
Pensiyaçılara ŞAD XƏBƏR - Sizin yerinizə DSMF ödəyəcək |
|
Artıq pensiyaçılar ölkə ərazisində fəaliyyət göstərən bankomatlardan komissiya ödəmədən pensiyalarını çıxarda biləcəklər.
Bu açıqlamanı jurnalistlərə Dövlət Sosial Müdafiə Fondunun (DSMF) sədri Elman Mehdiyev "Caspian European Club"un təşkil etdiyi biznes-forumda deyib. Ölkədə pensiya kartlarının emitenti Azərbaycan Beynəlxalq Bankı və "Kapital Bank"dır. Buna görə də pensiyaçılar yalnız həmin bankların bankomatlarından istifadə edərkən komissiya ödəməkdən azaddırlar. Bununla əlaqədar E.Mehdiyev qeyd edib ki, pensiyaların verilməsi zamanı bankomatlar qarşısında növbələr yaranır, çünki bir çox vətəndaş pensiyalar köçürülərkən onları əldə etməyə çalışır: "DSMF bu məsələnin nizamlanması üçün iki variantı nəzərdən keçirir. Bunlardan biri kart sahibləri üçün digər bankların bankomatlarında komissiyasız pensiya çıxarmaq imkanıdır. Bu halda komissiyanı DSMF ödəyəcək. İkinci variant isə nağdsız ödənişlər şəbəkəsinin genişləndirilməsidir". Onun sözlərinə görə, ötən ilin əvvəlindən "Pensiya+" proqramına start verilib: "Proqram nağdsız ödəniş vasitələrindən istifadəni təşviq edir. Onlardan istifadə edənlər aylıq pensiya həcmində faizsiz kredit ala bilərlər. Bu yenilik pensiyaçılar arasında nağdsız ödəniş mexanizminin təşviqinə yönəlib". Geri dön |