davam.az - BÜTÖV AZƏRBAYCAN ADINA! > Xəbərlər, Gündəm, İqtisadiyyat > Neftimiz yenidən ucuzlaşdı
Neftimiz yenidən ucuzlaşdı |
|
Azərbaycanın yüngül neftinin qiyməti fevralın 19-da 61,89 dollar/barel təşkil edib.
CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti fevralın 19-da 61,89 dollar/barel təşkil edib. Cümə axşamı neftin qiyməti çərşənbə gününə nisbətən 2,25 dollar/barel ucuzlaşıb. "Azeri Light" neft növü Azərbaycanın "Azəri-Çıraq-Günəşli" yataqlar blokundan çıxarılır. Neft digər növlərlə qarışdırılmadan Bakı-Tbilisi-Ceyhan boru kəməri ilə Türkiyənin Ceyhan, dəmiryolla Gürcüstanın Batumi limanlarına çatdırılır. Bununla yanaşı, "Azeri Light" Bakı-Supsa kəməri ilə Gürcüstanın Supsa limanına ixrac olunur. ARDNŞ bildirir ki, Türkiyənin Ceyhan limanı şərtləri ilə FOB basizi üzrə Azərbaycanın yüngül neftinin qiyməti fevralın 19-da 60,96 dollar/barel təşkil edib ki, bu da əvvəlki qiymətdən 2,21 dollar/barel azdır. Azərbaycan neftin URALS növünü Novorossiysk limanından satır. Buraya xammal Bakı-Novorossiysk boru kəməri ilə çatdırılır. Novorossiysk limanından yüklənən URALS neftinin qiyməti fevralın 19-da 56,91 dollar/barel təşkil edib ki, bu da əvvəlki qiymətdən 2,13 dollar/barel azdır. Şimal dənizindən hasil edilən "Brent Dated" etalon növlü neftin qiyməti fevralın 19-da 58,59 dollar/barel təşkil edib. Bu, əvvəlki qiymətdən 2,07 dollar/barel azdır. Geri dön |