davam.az - BÜTÖV AZƏRBAYCAN ADINA! > Çap səhifəsi > İran rəsmiləri yanğında xəsarət alan şagirdlərin dərman xərcini təmin etməyib

Dünən xəbər vermişdik ki, 2012-ci ilin dekabrında Qərbi Azərbaycan vilayətində məktəbdə baş verən yanğın zamanı xəsarət alan qız uşaqları İranın Təhsil Nazirliyi önündə toplaşaraq nazirliyin onların dərman xərcini təminində əməkdaşlıq etmədiyinə etiraz bildiriblər.
Bu barədə bir çox qəzet o cümlədən Tehranda fəaliyyət göstərən Məşriq adlı internet qəzeti məlumat yayıb.

Bu gün aldığımız məliumata görə, İran rəsmiləri yanğında xəsarət alan şagirdlərin dərman xərcini təmin etməyib.
Etirazlarını nümayiş etdirmək üçün Tehrana səfər edən şagirdlər və ailələrinin mətbuata verdiyi məlumata görə, İranın təhsil nazirliyi dərman və dərman xərcinin təmini istiqamətində onlarla əməkdaşlıq etməyib.

2012-ci il dekabr ayının 5-də, Qərbi Azərbaycan vilayətinin Xana (Piranşəhr) şəhərinin yaxınlığında yerləşən Şinabad kəndində baş verən məktəb yanğını zamanı 30-a yaxın məktəbli qız ağır xəsarət almışdı. Şagirdlərin ikisi daha sonra aldığı ağır yaralar üzündən vəfat etdi.

Əhalisinin əksəriyyəti Azərbaycan kürdlərindən ibarət olan Xana şəhərinin rəsmi adı Piranşəhrdir. Şəhər Qərbi Azərbaycan-İraq sərhəddində yerləşir.http://davam.az/engine/skins/bbcodes/images/mp.gif