davam.az - BÜTÖV AZƏRBAYCAN ADINA! > Gündəm, Mədəniyyət, DAVAMın yazıları > Niftalı Göyçəli – Fəlsəfi şeir
Niftalı Göyçəli – Fəlsəfi şeir |
|
ÖLÜMƏ TƏLƏSİRİK...
Gözlədik, bahar gəldi: yaz sevinci, şadlığı qəlbimizdə yüksəldi... Qışın soyuqlarından, şaxtasından, qarından qurtardıq, azad olduq. Kimimiz gəncləşərkən kimimiz yaşa dolduq... Bəs bu yaşa dolanlar, altmış-yetmiş olanlar, qocalığın soyuğu sümüyünə dolanlar Görən nəyə sevindi? - Sevindi əlbəttə ki, yazın, yayın- rüzgarın yaşıllıq növrağına; təbiətin al-əlvan füsünkar, gül çağına. Sevindi əlbəttə ki, toy... nəvə gözləyənlər... Fəqət neyləmək olar, arzular qanadında özümüz düşünmədən ölümə tələsirik. Bir yaşıl yarpaq kimi saralırıq zaman-zaman, əcəlin payızından torpağa düşmək üçün zaman budaqlarında yellənirik, əsirik... “Bu gün tez ötüşəydi, bu həftə tez keçəydi, filan iş düzələydi, filan haqq-ədalət də bir yerinə düşəydi!...” Deyərək yaşayırıq. Heç kim bilməyən hələ vaxtını-vədəsini verilən ömür ilə çatacaq hansı ilə... Kimlər isə bu ömrü şərarətlə çirkləyir, Kimlər isə bu ömrü səxavətlə bəzəyir... Əməli salehlərə deyirlər ki,-min rəhmət! Şeytana uyanlara, zalıma, tiranlara deyirik ki,- min lənət!.. Fəqət neyləmək olar, bizim nifrətimizdən nə dəyişə bilər ki?.. Ya da rəhmətimizdən kim cənnətə düşər ki?.. Bəli, bir yarpaq kimi saralırıq zaman-zaman, əcəlin payızından zaman budaqlarında yellənirik, əsirilk torpağa düşmək üçün... Özümüz də bilmədən arzu zənciri dartıb ölümə tələsirik. . Bizdən aslı da deyil, məhkumuq Yaradanın qoyduğu qanunlara... Bu da çox çətin işlər- həyat tamam macəra... Yalnız əməllərdə biz faili –muxtarlarıq: Alqışlanır yaxşılıq, xeyirxahlıq edənlər, Söyülür naqis, xain, əyri yola gedənlər... Məndən olsa, alçağı, dəyyusu, dələduzu- rüşvəti məhv edərdim. Əgər hökmüm olsaydı, xeyirxah insanlara geniş meydan verərdim. Kəsərdim səfalətin, rəzalətin kökünü! Kəsərdim bədniyyətin, şərarətin kökünü! Nə isə, bunlar da bir əlçatmaz, boş xəyallar, Mənim əsib-coşmağım içimdəki əhvallar... Neyləyim, barışmıram pislik olan nə varsa, Barışmıram Yaradanla qanunlar pozulursa, insanlıq tapdanırsa... Bax beləcə, bu tərzdə arzular qanadında son mənzilə gedirik, zamam budaqlarında yellənirik, əsirik... Hiss etmədən, bilmədən ölümə tələsirik... Niftalı GÖYÇƏLİ - Milli Dirçəliş Hərəkatı partiyası sədrinin Mədəniyyət məsələləri üzrə müşaviri. Geri dön |