davam.az - BÜTÖV AZƏRBAYCAN ADINA! > Gündəm > Yanvarın 20-də Azərbaycanda elektrik qatarlarında gediş-gəliş pulsuz ola bilər
Yanvarın 20-də Azərbaycanda elektrik qatarlarında gediş-gəliş pulsuz ola bilər |
|
"Azərbaycan Dəmir Yolları" QSC 20 Yanvar - Milli Matəm Günü ilə əlaqədar tədbirlər planı hazırlayıb. Bu barədə QSC-nin mətbuat xidmətinin rəhbəri Nadir Əzməmmədov bildirib.
Onun sözlərinə görə, plan 1990-cı il 20 Yanvar hadisələrinin qurbanlarının xatirəsinin anılması ilə bağlı müvafiq tədbirlərin keçirilməsini nəzərdə tutur. Plana görə, 20 Yanvar qurbanlarının xatirəsi 1 dəqiqəlik sükutla yad ediləcək. Saat 12:00-da qatarların hərəkəti dayandırılacaq, lokomotivlər isə fit verəcək. Habelə, Əzməmmədovun sözlərinə görə, hazırda Abşeronun şəhərətrafı zonalarına elektrik qatarlarında gediş-gəlişin pulsuz olması məsələsinə baxılır. "Bu məsələ nəzərdən keçirilir, pulsuz gediş-gəlişin tətbiqi üçün QSC rəhbərliyinin müvafiq sərəncamı olmalıdır", - o deyib. Ötən il yanvarın 20-də Abşeronun şəhərətrafı zonalarına elektrik qatarlarında gediş-gəliş Bakı vaxtı ilə saat 06:00-dan 23:00-dək pulsuz olmuşdu. Geri dön |