Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > Güləşçilərimiz Yaşar Doğunun xatirə turnirində ilk gün 2 bürünc medal qazanıblar.
davam.az - BÜTÖV AZƏRBAYCAN ADINA! > Gündəm, İdman > Güləşçilərimiz Yaşar Doğunun xatirə turnirində ilk gün 2 bürünc medal qazanıblar.

Güləşçilərimiz Yaşar Doğunun xatirə turnirində ilk gün 2 bürünc medal qazanıblar.


Azərbaycan Güləş Federasiyasından (AGF) verilən məlumata görə, Türkiyənin İstanbul şəhərində Yaşar Doğunun xatirəsinə həsr olunan sayca 43-cü beynəlxalq turnir keçirilir. Turnirdə böyüklərdən ibarət sərbəst güləş üzrə yığma komandamız da iştirak edir.

Məşqçilər Nazim Əlicanov və David Kurtsiyanın rəhbərliyi altında turnirdə mübarizə aparan güləşçilərimiz yarışların ilk günü 2 bürünc medal qazanıblar. Ruslan Qasımov (57 kq) və Ağahüseyn Mustafayev (65 kq) fəxri kürsünün üçüncü pilləsində qərarlaşıblar.

Turnir bu gün 61, 70, 86 və 125 kq çəki dərəcələrində pəhləvanların mübarizəsi ilə davam edəcək. Güləşçilərimizdən Cəlal Süleymanov, Ruhlan Məmmədov (hər ikisi 61 kq), Hacımurad Ömərov (70 kq) və Aleksandr Qostiyev (86 kq) turnirin mükafatçıları sırasına düşməyə çalışacaqlar.

Görüşlərin idarə edilməsində beynəlxalq dərəcəli hakim Vaqif Zeynallı ölkəmizi təmsil edir.
Geri dön