davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > Güney Azərbaycanda Novruz bayramı ərəfəsində yol qəzaları artıb
Güney Azərbaycanda Novruz bayramı ərəfəsində yol qəzaları artıb |
|
Hər gün Güney Azərbaycanın müxtəlif bölgələrindən qanlı yol qəzaları ilə bağlı müxtəlif xəbərlər gəlir. Bu qəzalar Novruz bayramı ərəfəsində daha da artıb.
Qərbi Azərbaycanın Təcili Tibbi Hadisələrin İdarəçilik Mərkəzinin rəisi Novruz bayramı ərəfəsində 236 nəfərin yol qəzaları nəticəsində yaralanıb və xəstəxanalara aparıldığını bildirib. Baqir Bəhrami bildirib ki, “martın 18-dən 28-dək (1393-cü il isfəndin 27-dən 1394-cü il fərvərdinin 8-dək) Qərbi Azərbaycan Vilayətində 245 yol qəzasında 262 nəfər xəsarət alıb, onlardan 25-i ayaqüstü müalicə olunub və 236-ı müalicə məqsədi ilə müxtəlif xəstəxanalara aparılıb. Xəsarət alanlardan biri xəstəxanaya aparılsa da, onun həyatını qurtarmaq mümkün olmayıb.” Bununla belə B.Bəhrami bildirib ki, keçən ilə nisbətən yol qəzalarında azalma müşahidə olunur. Son günlərdə isə Təsuc-Salmas yolunda daha dəhşətli yol qəzası baş vermişdir. Həmin qəzada “Pejo” markalı minik maşını ilə bir yük maşınının (xavər) toqquşması nəticəsində 4 nəfər həyatını itirib. Qeyd edək ki, Güney Azərbaycanın qeyri-standard yolları təxminən hər gün qanlı yol qəzalarına şahid olur. “Təbriz-Əhər” caddəsi ölümlə nəticələnən qəzaların çox olduğu səbəbindən “Ölüm Caddəsi” ləqəbi alıb! Geri dön |