davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > Azərbaycanlı millət vəkili növbəti dəfə Urmu gölü böhranından danışdı
Azərbaycanlı millət vəkili növbəti dəfə Urmu gölü böhranından danışdı |
|
Nadir Qazipur: “Gölə ayrılan büdcəni nəyə xərclədiniz?!”
Güney Azərbaycanın Urmiyə şəhərinin İran parlamentindəki millət vəkili növbəti dəfə Urmu gölü böhranından danışıb. Nadir Qazipur Urmu gölünü canlandırma işlərinin yalnış idarəçiliyini kəskin tənqid edərək bildirib ki, “Ətraf-mühit məsulları Urmu gölünə ayrılmış pulun harada xərcləndiyinə cavab verməlidir.” “Xaney-i millət”ə danışan millət vəkili Ətraf-Mühit Təşkilatı rəisinin Urmu gölünü canlandırma işlərinin ikinci mərhələsinin başlanacağı ilə bağlı sözünə işarə edib: “Ətraf-müfit məsulları cavab verməlidir. Məgər birinci mərhələdə hansı işlər görülübki ikinci mərhələdə o işlər davam etsin?!”. O sözlərini belə davam etdirib: “Təəssüflə məsullar göl üçün ayrılan büdcəni tədbir keçirmək və öz ezamiyyətlərinə xərcləyirlər və əməldə gölü qurtarmaq üçün heç bir plan yoxdur.” Urmu gölünün təmami ilə qurumaqda olduğunu xatırladan millət vəkili vurğulayıb ki, “Enerji naziri, Ətraf-Mühit Təşkilatı və Urmu Gölünü Canlandırma Mərkəzinin məsulları gölün canlandırılması üçün heç bir iş görməyib və bu günə qədər bir damla su gölə əlavə edilməyib!”. Geri dön |