davam.az - BÜTÖV AZƏRBAYCAN ADINA! > Çap səhifəsi > İranın Naxçıvandakı baş konsulu Vasif Talıbovun Təbrizə gözlənilən səfərindən danışıb

İranın Naxçıvandakı baş konsulu Mənsur Ayrım aprelin 21-də Təbrizdə qatıldığı bir iclasda çıxış edərək, Naxçıvan Muxtar Respublikası Ali Məclisinin sədri Vasif Talıbovun Təbrizə gözlənilən səfərindən danışıb.
Şərqi Azərbaycan ostandarının siyasi və təhlükəsizlik məsələləri üzrə müavini ilə birlikdəTəbrizdə keçirilən iclasda çıxış edən Mənsur Ayrım, Naxçıvanın müxtəlif sahələrdəki yüksək potensialına toxunaraq İranla bu respublika arasındakı əlaqələrdən danışıb: “Naxçıvan Respublikası son illərdə iqtisadi baxımdan çox inkişaf edib və bu sahədə çoxlu nailiyyətlər əldə edib. İranla Naxçıvan Muxtar Respublikası müştərək potensiallara malikdir. Hesab edirik ki, bu ortaq münasibətlərdən faydalanaraq iqtisadi əməkdaşlığımızı genişləndirməliyik.

Şərqi Azərbaycanla Naxçıvan əhalisi arasındakı tanışılıq və münasibətlər dərindir. Şərqi Azərbaycan əyalətinin bu respublika ilə olan qarşılı əlaqələrin səviyyəsinin artmasındakı rolu böyükdür. Hesab edirəm ki, biz gələcəkdə qarşılıqlı ticari əlaqələrdə birgə əməkdaşlığın genişləndirolməsinin şahidi olmalıyıq. Biz İranla Naxçıvanın iqtisadi və mədəni sahələrdəki gücünü və potensialını nəzərə alaraq əlaqələrimizi daha da dərinləşdirməliyik. Məhz həmin hədəfə çatmaq üçün, yaxın gələcəkdə Təbrizə səfər edəcək Naxçıvan Muxtar Respublikası Ali Məclisinin dəsri Vasif Talıbovla qarşılıqlı əməkdaşlıq və münasibətlərimizi genişləndirmək xüsusunda müzakirələrimiz olacaq”.