davam.az - BÜTÖV AZƏRBAYCAN ADINA! > Gündəm > Azərbaycanda dövlət internet provayderləri tarifləri 40% endirib
Azərbaycanda dövlət internet provayderləri tarifləri 40% endirib |
|
Azərbaycanda internetin inkişafı və yeni xidmətlərə tələbatın artması ilə əlaqədar ölkənin dövlət internet provayderləri - «Aztelekom» və «Bakinternet» şirkətləri oktyabr ayının 1-dən genişzolaqlı internet xidmətlərinin qiymətlərinin aşağı salındığını elan edib.
Rabitə və İnformasiya Texnologiyaları Nazirliyindən verilən məlumata görə, bu dəfə dövlət provayderlərinin tarifləri kanalın sürətindən asılı olaraq faiz nisbəti ilə 25-50% arasında aşağı salınıb (orta hesabla 40%). Provayderlərin xidmətlərinə əvvəllər qoşulmuş abonentlərin kanal sürəti artırılacaq. Məsələn, əvvəllər 1 Mbit/s kanal sürəti üçün 20 manat ödəyən abonent, oktyabrın 1-dən etibarən internetə 2 Mbit/s sürəti ilə daxil olacaq. Geri dön |