davam.az - BÜTÖV AZƏRBAYCAN ADINA! > Gündəm, Hərb > Azərbaycanın müdafiə sənayesinin fəaliyyətinin stimullaşdırılması üçün təkliflər hazırlanıb
Azərbaycanın müdafiə sənayesinin fəaliyyətinin stimullaşdırılması üçün təkliflər hazırlanıb |
|
Azərbaycanın müdafiə sənayesinin fəaliyyətinin stimullaşdırılması məqsədi ilə bəzi təkliflər hazırlanıb.
Bunu “AzeriDefence”-ə müsahibəsində Müdafiə sənayesi naziri Yavər Camalov bildirib. Nazirin sözlərinə görə, təkliflər sırasında müdafiə sənayesi müəssisələrinin bəzi vergilərdən azad edilməsi də yer alır: “Bu istiqamətdə biz hökumətə təkliflər vermişik. Təkliflərimizdə əmlak vergisi, torpaq vergisi və əlavə dəyər vergisi ilə bağlı güzəştlərin tətbiq edilməsi var. Yəqin ki yaxın zamanlarda buna nail olacağıq”. Nazir Azərbaycanda snayper tüfəngləri üçün döyüş sursatlarının istehsalı istiqamətində layihənin həyata keçiriləcəyini də bildirib: “Bu sursatların istehsal xəttinin alınması, qurulması və istehsalı ilə bağlı təkliflər tərəfimizdən hökumətə təqdim olunub. Düşünürəm ki, növbəti ildən bu layihəni həyata keçirməyə başlayacağıq. Bununla yanaşı, Azərbaycanda döyüş sursatlarının istehsalında istifadə olunan barıt, trotil və heksogen zavodlarının tikintisi işləri aparılır. 2016-cı ilin sonuna hər üç zavod işə düşəcək və bundan sonra sursat istehsalında xammal baxımdan da heç bir ölkədən asılı olmayacağıq”. Geri dön |