davam.az - BÜTÖV AZƏRBAYCAN ADINA! > Çap səhifəsi > Ərdəbil vilayəti: Yol qəzaları 1 ildə 216 nəfərin ölümünə səbəb olub

Hər gün Güney Azərbaycanın müxtəlif bölgələrində qanlı yol qəzalarına şahid oluruq. Əsasən qeyri-standard yollarda baş verən qəzalar çoxsaylı insanların ölümü ilə nəticələnir.
Ərdəbil Vilayəti (ostan) Tibbi Ekspertiza Mərkəzinin baş müdiri bildirib ki, 1393-cü ildə (hicri-şəmsi təqvimi ilə) Ərdəbil vilayətində 216 nəfər yol qəzaları nəticəsində dünyasını dəyişib.

Doktor Vəlizadə Ərdəbil vilayəti Yol Güvənliyi Komissiyasının iclasında bunları qeyd edib:

“1393-cü ildə 216 nəfər yol qəzalarında həlak olub. Ötən ilin oxşar dövründəki 212 nəfərin öldüyünü nəzər aldıqda, qurbanların sayında 1.8 faiz artım görünür. Ölənlərdən 29-nun yaşı 15-dən az olub. Bu rəqəm ölənlərin 13.4 faizini təşkil etməkdədir.

O əlavə edib ki, “ölənlərin 188 nəfəri şəhərlərarası caddələrdə qeydə alınıb. Bu statistika (amar) 1392-ci ilə nisbətən 8.6 faiz artım deməkdir. Şəhərlər daxilində isə 28 nəfər yol qəzalarında dünyasını dəyişib. Bu keçən ilin oxşar müddəti ilə müqayisədə 28.2 faiz azalmanı göstərir.”

Vəlizadə bildirib ki, “1393-cü ildə yol qəzaları nəticəsində 4359 nəfər xəsarət alıb, bu rəqəm 1392-ci illə müqayisədə 0.7 faiz azalmanı göstərir.”