davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > Ruhani: -Kiçik bir azlıqdan başqa millətin əksəriyyəti dünya birliyi ilə sülh və barışığın tərəfdarıdır
Ruhani: -Kiçik bir azlıqdan başqa millətin əksəriyyəti dünya birliyi ilə sülh və barışığın tərəfdarıdır |
|
İran prezidenti Həsən Ruhani mayın 26-da Şəhriyar, Melard və Qüds şəhərlərinin əhalisi qarşısında çıxış edərək ölkədə bəzi radikal cərəyanlardan və dünya birliyi ilə münasibətlərdən danışıb.
Ruhani deyib ki, bölgədə cərəyan edən qanlı olayları nəzərə alaraq xarici düşmənin hər bir fitnəsinin qarşısını almaq üçün ölkədə hamının bir-biri ilə yekdil olmasına və birlik içində yaşamasına ehtiyac var: “Biz dünya birliyi ilə problemlərimizi məntiq və dialoq yolu ilə həll etməkdə qərarlıyıq. Bizim millət uca səslə bütün dünyaya bildirir ki, zorakılıq və radikalizm dövrü artıq başa çatıb və hamımız məntiq və danışıqlar prinsipi ilə inkişaf yolu sayılan gələcəyin yolunu təyin edib birlikdə irəliləməliyik. Bizim hökumət dünyanın büynəlxalq səhnələrində İran xalqının hüquq və mənafeyini təmin etmək üçün hər gün yeni addımlar atır. Göstərilən bütün bu səylərə baxmayaraq, ölkədə azlıqda olan bir qrup şəxs böyük tribunaları ələ keçirərək hökumətin bu təşəbbüsünə qarşı çıxır. Lakin bütün bunlara baxmayaraq, bu gün ölkədə kiçik bir azlıqdan başqa, İran millətinin əksəriyyəti dünya birliyi ilə konstruktiv dialoq, sülh və barışığın tərəfdaerıdır”. Geri dön |